طاقتي

تخيلت ان طاقتي هي أموالي

وان شخص جا مرة وطلب مني مساعدة.

مساعدة طاقية.

أي أنه يبي يقعد معاي ويشتكي ويطلب مساعدة، ويا كثر ما صارت.

وطبعاً لأني ماقعد ولا أسمع اللي يشتكي ويظل يشتكي، ولما أجرّب اساعده نلاقي حل، يرجع مرة ثانية يشتكي ويظل يشتكي ونستمر وما تخلّص القصة! يمكن بس لين ما ينشف ريجه؟

المهم …. انا هنا فخيالي، كان الشخص اللي يبحث عن حل.

اتخيل اني ساعدته وعطيته الحل وتحمس! 

وبعدين …..؟ بعد فترة اشوف ولا فاد معاه شي. لا والمشكلة يرجع ويحط اللوم علي، وأن حلولي ما منها فايدة ولا تجيب نتيجة وان كلامي كله فارغ.

عشان جي يقولون عط طاقتك لشخص يستاهلها. حط طاقتك في المكان الصح. طاقتك استثمرها في المكان الصحيح.

طاقتي كأنها أموالي (وفنظري هي أغلى)

كأني سلفت شخص فلوس وفسفسها وعقب راحت علي!

وهو فلس وما يقدر يرجعها!

هي مش بالحرف التشبيه لكن شعور، 

بالـ >>>> يا حسافة!! هذا هو بالضبط

يا حسافة جهدي وطاقتي تروح عليك،

مرة ثانية أنا آسف أو اني أعطيك بس 

بشروطي وأضمن ان استثماري بيرجع لي مضاعف!

Amal Live